رسنۍ باید د امریکا د واکمنۍ توهم مات کړي/ د مقاومت اصلي هدف د صهیونیسټي رژیم په وړاندې ودریدل دی

د ایرنا خبري اژانس د راپور له مخې، د ایران د اسلامی انقلاب معظم رهبر حضرت ایت الله العظمی سید علی خامنه ای نن چهارشنبه د مرغومی په ۱۹مه د قم د خلکو د ۱۳۵۶ کال د جدی ١٩مه نیټې د پاڅون د کلیزې په مناسبت د یو مراسم په ترڅ کې د قم له زرګونو خلکو سره په کتنه کې د ۱۹ مې جدي پاڅون څخه د عبرت درس اخیستلو اړتیا ته په اشارې سره، د دښمن د واکمنۍ د اقتدار توهم لپاره د رسنیو او مجازي فعالانو نه ستړې کېدونکې، پراخې او اغېزمنې هڅې، او په هره اقتصادي او فرهنګي تصمیم او عمل کې د ولس او هېواد ګټو ته د چارواکو پوره توجه او د ولس رایو ته مصونیت ورکول د نن ورځې له جدي اړتیاوو څخه وشمیرل او وویل: موږ ټول باید د اقتصادي او غیر اقتصادي اهدافو د تحقق په لور ملي حرکت ته په زیاتې هیلې او هڅې سره دوام ورکړو.

د مرغومی د ۱۹مې پاڅون د هېواد د تاریخ له څوکو څخه دی

 آیت الله العظمی خامنه‌ای د قم د اتلو او زړورو ولسونو د مرغومی ١٩مه پاڅون د دغه هیواد د تاریخ له څوکو څخه وباله او د خدای تعالی د ټولو ورځو په شان یې له مختلفو درسونو او عبرتونو ډکه وبلله او ویې ویل: د دې ورځې تر ټولو مهم درس دا دی چې دا په ډاګه کوي چې امریکا کوم ایران خوښوي او غواړي.

 د انقلاب معظم رهبر په ۱۹۵۶ میلادی کال کې تهران ته د امریکې د ولسمشر کارټر سفر او د محمد رضا او پهلوی د هغه غلط تعریفونو ته په اشارې سره چې د ایران د ثبات د جزیرې په توګه مطرح شو، زیاته کړه: ایران په ۱۹۵۶ کال کې چې کارتر د امریکا لپاره مطلوب ګڼلی و، د بهرنۍ پالیسۍ له نظره د امریکایانو خالص تابع او د هغوی د ګټو برابرونکی، د کورني سیاست له نظره د ټولو مخالفانو او حتی د مختلفو جریانونو د سخت ځپلو شاهد، د اقتصاد له لحاظه د نفتو له خرڅلاو څخه ډېر زيات عايد لري، خو هیواد ډېره طبقاتي ده، د علم او پوهې له لحاظه وروسته پاتې او دا هغه هیواد وو چې د فساد، بې حيايۍ او غربي فحاشي کلتور په کې هره ورځ پراخېده.

 ایت الله خامنه‌ای تاکید وکړ: د مرغومی ١٩مه نیټې پاڅون د امریکې له لاسو د مطلوبه ایران راوتل وو خو امریکا لا هم د هغه ایران خوب وینی، چې بې له شکه لکه څنګه چې کارټر دغه خوب ښخ کړ، نورو امریکایانو هم هغه به ښخ کړي.

 امریکا د ایران په واقعیتونو د پوهیدو توان نلري

هغه د ۱۹م پاڅون دویم درس د امریکا د محاسبې غلطي او د ایران په واقعیتونو د پوهېدو په برخه کې د هغوی د بې کفایتۍ د څرګندولو لپاره وګڼله.

 د اسلامی انقلاب معظم رهبر زیاته کړه: هغه کسان چې د امریکې له ظاهره سره مینه لری او د خدای او د ایران د ملت عظمت یې هیر کړی، باید دې حقیقت ته پام وکړی چې د کارټر د امریکې د ثبات د جزیرې د ستاینې نه یوازې نهه ورځې وروسته د مخکښو قمیانو پاڅون څرګند شو چي دا څرګندوي چي امريکا د ايران په مسايلو کې څومره شاته او غافل ده.

 هغه د اسلامی انقلاب بریا د « استکبار د تر ټولو مهم سنګر» له زړه څخه د فرعون په ماڼۍ کې د حضرت موسی (ع) له پالنې سره تشبیه کړه او زیاته یې کړه: امریکایان ویده پاتې شول او ستر اسلامي انقلاب د دوی د ګټو د ټینګې کلا له زړه څخه راووت، لکه څنګه چې فرعون هم خبر نه و چې موسی علیه السلام په هغه کور کې لوی شوی وو.

 ایت الله خامنه‌ای په تیرو ۴۶ کلونو کې د ایران په وړاندې د امریکې د محاسبې د نظام د خطاګانو دوام ته په اشارې سره زیاته کړه: هغه کسان چې د امریکې له سیاستونو څخه ویریږی باید ونه ډار شی او دې اساسی او دوامدارۍ غلطي ته باید پوره پاملرنه وکړی.

د ایران ملت به یوه ورځ د امریکا د بندیزونو د ضررونو حساب وکړي

 د ایران د اسلامي انقلاب معظم رهبر د ایران د ولس په وړاندې د امریکې د ځینو غلطو او بې ګټې سیاستونو د بیانولو په ترڅ کې د بندیزونو موضوع ته اشاره وکړه او ویې ویل: هغوی موږ په بندیزونو کې د اقتصاد د ماتي ورکولو غوښتل، خو د ایران ملت د بندیزونو په ترڅ کې د ساینس او ​​ټکنالوژۍ په برخه کې خورا پرمختګ وکړ او ځوانان چې په مختلفو برخو کې کار کولو ته چمتو وو میدان ته راووتل.

 هغه زیاته کړه: بې له شکه چې بندیزونه هیواد ته تاوان رسوي، خو خپلو موخو ته ونه رسیدل او انشاالله یوه ورځ به د ایران ملت د دغو تاوانونو حساب وکړي.

 آیت‌الله خامنه‌ای د انقلاب بریا د استکبار په کانکریټی دیوال کې درز او د لویدیځ د کنډک کمزوری کول وبلل او زیاته یې کړه: د قم د ۱۹م مرغومی پاڅون یو بل درس دا دی چي موږ باید خپل عامه افکار د دښمن له پروپاګند څخه وساتو.

دوی په ۱۳۵۶ کال کې په یوې ورځپاڼې کې د امام خمیني په خلاف د یوې توهینونکې لیکنې د خپرولو موخه د امریکایانو او پهلوي رژیم له خوا د نرم قدرت وسایلو د پاملرنې او کارولو پایله ګڼله او وویل: هغوی غوښتل چې د امام خمینی «ذوالفقار زبان» چې د امیرالمومنین (ع) له سپېڅلی مرقد څخه یې د خلکو زړونو ته هیلې او تودوخې ورکړې وې، له منځه یوسی، خو قمیان په خپل هوښیارتیا او د امریکایی او پهلوی تبلیغاتو په بې اعتمادۍ سره دغه اقدام شنډ کړ.

حزب الله له منځه نه یوړل شو او نه به یوړل شي

 د انقلاب معظم رهبر د سخت قدرت د تثبیت لپاره د امریکایانو لخوا د نرم قدرت په استعمال کې د زرګونو چنده زیاتوالي ته په اشارې سره وویل: هغوی په غزه کې په لسګونو زره انسانان قتل عام کړل خو مقاومت یې په سخت قدرت سره له مینځه وړی نه شو. په لبنان کې د سيد حسن نصرالله او نورو قوماندانانو په څېر څوک شهيدان شول، خو حزب الله له منځه نه یوړل شو او نه به یوړل شي.

 آیت الله العظمی خامنه‌ای تبلیغات یو ډیر مهم ټکی وباله او ویې ویل: دښمن هڅه کوی د دروغو په ویلو سره عامه افکارو ته نفوذ وکړی، د حقیقت او د خلکو د افکارو او تصور او نورو طریقو ترمینځ واټن رامینځته کړی او نن ورځ د صدا او سیما د لارښوونې وزارت ټول تبلیغاتي-کلتوري او مجازي فعالین باید د دښمن د اقتدار توهم له مینځه یوسي او عامه افکار د هغه له درواغو، ګواښونو او تحریف څخه خوندي کړي.

 د ایران د اسلامی انقلاب معظم رهبر دې ته په اشارې سره چې د استکبار ماهیت له پخوا څخه نه دی بدل شوی، څرګنده کړه: هیڅوک باید دا فکر ونه کړی چې نن امریکا او صهیونیسټ رژیم له هغو ورځو سره توپیر لري؛ البته، د دوی طریقې او وسایل زر ځله ډیر متنوع او پراخ شوي، له بلې خوا، موږ باید زر ځله ډیر محتاط او دقیق واوسو.
 
 هغه د عامه افکارو خوندي کول اړین وګڼل او زیاته یې کړه: اصلي خبره دا ده چې د دښمن په خبرو باور ونه کړئ. راځئ چې پوه شو هغه څه چې دښمن په خپلو تبلیغاتو کې د عامه افکارو د اغېزمنولو لپاره کوي، دروغ او فریب دي او سمدستي یې رد کړو.

 امریکا له ایران سره د اوښ کینه لري

 ایت الله خامنه ای د خپلې وینا په یوه بله برخه کې ایران د خپلو ارزښتناکو ډالیو لکه طبیعی زیرمو او د انسان ځواک چې د نړۍ له اوسط څخه ډیر پرمختللی دی، د ښه جغرافیایی موقعیت او حساس سیاسی موقعیت له امله په نړۍ کې ستراتیژیک جغرافيه مقام وباله او وویل: ایران له نن څخه څه د پاسه ۸۰ کاله وړاندې د څو لسیزو لپاره د امریکا تر واک لاندي وه، خو اسلامي انقلاب دغه هېواد د امریکا له منګولو ازاد کړل او همدا لامل دی چې له انقلاب څخه د دوی ترخې خاطرې نه شي هېرولی.

 هغه د ځینو خلکو خبرو ته په اشارې سره چې ولې اسلامی جمهوریت له اروپایی هیوادونو سره د خپلو اړیکو او په ایران کې د هغوی د سفارتونو د شتون سره سره له امریکې سره د خبرو اترو ته چمتو نه دی، وویل: ایران له انقلاب څخه مخکې د امریکې په کنټرول کې ؤ، اسلامي انقلاب د دې سبب شو چې د امريکايانو له لاسونو څخه زياته سياسي او اقتصادي شتمني وايستل شي، نو د هغوی اوښ کرکه له انقلاب سره ده او دا له اروپايي هېوادونو سره ډېر توپير لري.

 د انقلاب معظم رهبر په تېرو ۴۶ کلونو کې له زیاتو لګښتونو سره سره د ایران په بېرته نیولو کې د امریکې ناکامی د ایران له ملت او اسلامی جمهوریت سره د کرکې بل دلیل وباله او زیاته یې کړه: امریکا په دغه هېواد کې ناکامه شوې ده او د ناکامي د جبرانولو لپاره کوشش کوی، له همدې امله هغه د ایران له خلکو سره هر څومره چې کولای شي دښمني لري.

حضرت آیت الله العظمی خامنه‌ای د ایران د اسلامی جمهوریت د چارواکو په شمول له ټولو هیوادونو څخه د مختلفو مسائلو په طرحه کولو کې د امریکا استکبار ګټو او ملحوظاتو ته احترام کول وبلل، او په دې سره تينګار چې د امریکا دا تمې ته تسلیمېدل په هېواد کې د مردم‌سالاری او جمهوریت لپاره ګواښ دی، وویل: خلکو چارواکو ته د خپلو ګټو په خاطر رایه ورکړې ده، نه د امریکا د ګټو په خاطر؛ له همدې امله په اقتصادي مسایلو لکه انفلاسیون، تولید او اسعارو او د حجاب په شمول کلتوري مسایلو کې پریکړه کوونکي باید په خپلو پرېکړو کې یوازې د ایران د ملت او اسلامي جمهوریت ګټو ته پام وکړي او د امریکا او صهیونیسټانو ګټو ته پام ونه کړي.

 د انقلاب معظم رهبر د صهيونېسټ رژيم او د صهيونېسټانو له جنايتونو د امريکې د ملاتړ په مقابل کې د ايران د ولسمشر له څرګندو، پرېکنده او مېړانه دريځونو څخه رضايت څرګند کړ او وې فرمايل: دغو دريځونو د خلقو زړونه خوشحاله کړل.

 آیت الله العظمی خامنه‌ای د دښمنانو له فعالیتونو سره په مقابله کې د امید د موضوع د ژوندی ساتلو په اهمیت باندې په تاکید سره وویل: موږ باید د الهي لارښوونو او مرستې او د ملتونو د خدای له لوري د قدرت هیله ولرو، او د ټولو تبلیغاتي فعالینو او ویناوالو تر ټولو مهم هدف باید په زړونو کې د امید را ژوندی کول او د نا امیدو خبرو څخه ډډه کول وي.

 هغه د نجف د مرغومی ١٩مه له پیښې وروسته د امام  پیغام او د ایران ملت ته د بریا خبر د امید اهمیت ته د امام د زیاتې پاملرنې یوه بیلګه وبلله او ویې ویل: څوک په دې باور وو چې په کومه ورځ چې امام د غورځنګ د بري وعده کړې وه، انقلاب به ګټونکی وي او د اسلامي جمهوریت په شان یو ستر او کرښه ماتونکی ځواک به د نړۍ په دې سیمه کې راڅرګند شي چې د لویدیځ د ډیرو تیریو او ناوړه موخو مخه ونیسي؟ او چا باور درلود چې هغه ورځ به راشي چې په لویدیځو هیوادونو او حتی پخپله واشنګټن کې به د امریکا بیرغ وسوځول شي؟

اتیا سلنه اقتصادي وده د بهرنیو هیوادونو له اړتیا پرته ممکنه ده

 د انقلاب معظم رهبر د هېواد د اقتصادی مسائلو افق د کارپوهانو او په حقایقو د پوهېدو وړ خلقو په نظر کې د امید وړ وبلل او زیاته یې کړه: ځینې خلک د اقتصادی نندارتون په وخت کې د ۸ فیصده اقتصادی ودې په شان د سیاستونو درک کول ناممکن ګڼی، په داسي حال کې چي هغه فعالان چې ولسمشر یې په دې وروستیو کې ولیدل، وویل او ثابته یې کړه چې د بهرنیو هېوادونو له اړتیا پرته د ۸ سلنه ودې لاسته راوړل ممکن دي او ولسمشر د دغو فعالانو او کارپوهانو خبرې تکرار کړې.

 هغه د هیلو د میوې د ورکولو لپاره هڅې او استقامت اړین وباله او زیاته یې کړه: موږ باید په امید او هڅو سره د هیواد پرمختګ ته زمینه برابره کړو.

 ایت الله خامنه‌ای د خپلې وینا په پای کې په دې باندې په تاکید سره چې د سوریې په شمول په سیمه کې موجودې پیښې باید د فلسطین مسله کمزورې نه کړي، وویل: د مقاومت اصلي مسله د صهیونیسټي رژیم د ناوړه حرکت په وړاندې ودریدل دي.

 هغه د مقاومت په بقا او پیاوړتیا باندې په ټینګار سره وویل: مونږ په غزې، باختري کرانه، لبنان، یمن او هر ځای کې چې د صهیونیسټ رژیم په وړاندې ولاړ دی، د مقاومت ملاتړی یو.

 د پیغام پای/